एकदा इंद्रदेव शेतकर्यांवर चिडले, त्यांनी जाहीर केले की, *"12 वर्षे पाऊस पडणार नाही. आपण पिके घेण्यास सक्षम नसाल..."*
इंद्रादेवाकडे शेतकर्यांनी विनम्रतेने विनवणी केली.
इंद्रदेव म्हणाले की, *"भगवान शिवने आपला डमरू वाजविला तरच पाऊस शक्य आहे!"*
परंतु, त्यांनी भगवान शिव यांच्याशी गुप्तपणे चर्चा करुन आधीच या शेतकर्यांशी सहमत न होण्याची विनंती केली होती.
जेव्हा शेतकरी भगवान शिवकडे आले, तेव्हा त्यांनी १२ वर्षानंतर डमरु वाजवला जाईंल असे सांगितले.
निराश शेतकर्यांनी 12 वर्षांपर्यंत थांबायचे ठरवले.
परंतु, एक शेतकरी शेतात नियमितपणे राबत होता, मशागत करत होता, बियाणे पेरत होता. इतर शेतकरी त्याची चेष्टा करत होते. काही वर्षांनी इतर शेतकर्यांनी त्याला विचारले, *“१२ वर्षे पाऊस पडणार नाही, हे आपणांस माहित असतांना तुम्ही आपला वेळ व ऊर्जा का वाया घालवत आहात?”*
त्याने उत्तर दिले, *“मला माहीत आहे, पीक का येणार नाही म्हणून. परंतु, मी हे काम केवळ “सराव ”म्हणून करतो आहे. 12 वर्षानंतर मी शेताच्या मशागतीची आणि पेरणी करण्याची प्रक्रियाच विसरुन जाईन. शरीराची श्रम करण्याची सवय मोडेल. म्हणूनच मी हे दरवर्षी करत राहतो, जेणेकरून 12 वर्षानंतर पाऊस पडल्यावर मला कामं करणं अवघड वाटणार नाही ”*
त्यांचा युक्तिवाद ऐकून देवी पार्वतीला कौतुक वाटले व ती भगवान शिवला मजेत म्हणाली, *“तुम्ही पण 12 वर्षानंतर डमरू वाजवणे विसरू शकता!”*
भगवान शिवलाही काळजी वाटली. डमरु वाजतो की नाही हे तपासण्यासाठी म्हणून त्यांनी डमरू वाजवण्याचा प्रयत्न केला. डमरुचा आवाज ऐकताच पाऊस पडू लागला आणि नियमितपणे काम करणार्या त्या शेतकर्याच्या शेतात भरभरून पीक आले. बाकी सगळ्यांना मात्र पश्चाताप झाला.
*“सराव“* माणसाला परिपूर्ण बनवितो. सराव म्हणजे गुणवत्ता टिकण्याचे सार. सराव म्हणजे तारुण्याचे गुपित.
2 आठवडे, 2 महिने किंवा 2 वर्षानंतर कधीतरी कठीण काळ संपेलच...
*..त्याकडे डोळे लावून बसण्याऐवजी एक गोष्ट नक्की करा... आपण ज्या व्यवसायात किंवा क्षेत्रात आहात, त्यातील आपली कौशल्ये धारदार करीत राहा. आपल्याकडे असलेल्या गोष्टींचा अभ्यास करा आणि आपले ज्ञान वाढवत रहा...*
*… आज आपल्या कौशल्यांवर लक्ष केंद्रित करा, स्वतःला अजून कसं चांगले करता येईल ह्याकडे लक्ष द्या...*
*... जेणेकरुन जेव्हा पुन्हा काम करायची वेळ येईल तेव्हा सगळी आव्हाने पूर्ण करण्यास आपण सक्षम असाल..*
🙏🙏🙏🕉️🙏🙏🙏
टिप्पण्या
टिप्पणी पोस्ट करा
धन्यवाद 🙏